للعشاق للعشاق!! قصيده اكثر من رائعه

السلام عليكم ورحمه الله وبركاته

هذا واحد اسمه خالد جاه مرض الله يكفينا شره وقالوله انه راح يموت 00

فكتب شعر لرفيقه يقوله فيه انه يحب حبيبته ويبي من خويه هذا انه يخليها تنساه
00
اقروا القصيده وربي روعه بجد حب صادق ونظيف 00

هذي القصيده وان شاء الله تعجبكم...وأعتذر لكم عن طولها





وصاتي لـك مـن بعـدي تمـوت فيهـا علشـانـي
ابيها تعيـش وتحيـا بـك واظـل بالذاكـره مفقـود
وصاتـي لـك تنسيـهـا ملامح وجهـي وتنسانـي
وتعزفهـا قصيـده حـب على عكس اللي عزفته بعود
وصاتـي لـك تبعـدهـا عـن اشعـاري وقيفانـي
تراهـا مغرمـه بالحيـل ويشهد لـي عـدد الـردود
وصاتـي لـك تسايرهـا ترى فيها مـن الاحزانـي
طلبتـك لا يضيـق بالـك طلبتـك والطلـب مـردود
وصاتـي لـك تناديـهـا حياتي ..عمري..ازمانـي
انــا عودتـهـا دايــما دلعهـا وانـا مـوجـود
وصاتـي لـك تعلمـهـا بطبيـه القلـب واحسانـي
تراهـا تـذرف الدمـعـه ودمعتهـا بليـا حــدود
وصاتـي لـك تحفظـهـا سـور وايـات قـرانـي
وتخبرهـا عـن المـيـت رحـل لا يمكنـه بيعـود
وصاتـي لـك ترسمـهـا علـى قبـري واكفـانـي
ابيـهـا لـوحـه تبـقـى على طول الزمن محـدود
وصاتـي لـك تمازحهـا وتشوف الضحكه باسنانـي
سعيتك يا ضحك هالكـون طلبتك لا تصيـر جلمـود
وصاتـي لـك تقهويـهـا مـن دلالـي وفنجـالـي
تراهـا تعشـق السـمـرا ويكفيهـا دخـون الـعـود
وصاتـي لـك تركبـهـا علـى خيلـي وحصانـي
وربي فارسه مـن القلـب شهـاده ماهـي لشـهـود
وصاتـي لـك تسفـرهـا بـلاد الـشـام ولبنـانـي
ترى يحلالها تقطـف ورده وروده مـن بلـد الـورود
وصاتـي لـك تراقصهـا علـى الحـان الرحبانـي
وصاتـي لـك تحببـهـا في ابو نوره بعـد هانـي
وتنسيهـا نــدم غلـطـه انا فيها تـرى المقصـود
وصاتـي لـك تكـرهـافـي تاريخـي وعنوانـي
ابيهـا تلـعـن اللحـظـه وتلعن كل فـرح موعـود
وصاتـي لـك تكلمـهـا عن المجني وعن الجانـي
وتخيلنـي انــا الظـالـم وانا من حـرق الاخـدود
وصاتـي لـك تشبهـنـي بــدم احـمـر قـانـي
وانـا هالقاتـل السـفـاح مجرم من عصـر منـرود
وصاتـي لـك تحلفـهـا تتـوب تحبـنـي ثـانـي
ترى يكفيهـا مـا عانـت ويكفـي حيلهـا مـهـدود
وصاتـي لـك تنسيـهـا وصيـه قالهـا لسـانـي
انا اخبرك رجـل موقـف وانـت قـدهـا وقــدود
صديقي مالقيـت غيـرك يعـرف وشلـون تنسانـي
امانـه ضمهـا بقلـبـك ترى خالد رحل ما يعـود





مما اعجبني...اتمنى ان تعجبكم

وتقبلوا خالص أحترامي وتقديري لكم 000


منقووول

شووووووووووو القصايد الرائعة بس للعشاق


تسلم على المجهود الروعة يا رومنسي



تحياتي البرنسيس

تسلم يا برنسيس على المرور

بس والله عيونك اروووووع يا برنسيس


تــــــــــحـــــــــيـــــــ الرومنسي ـــــــــــاتـــــــــي

يسلموووووووووووو علي هالكلام الحلو ياحلو

تحياتي الك يا رومنسي
ابن خالتك (فلســــــــ يامن ــــــــطين)

كلام للعشاق وبس
يسلموا على الموضوع

يسلموووو على الرد يا عوود على الرد الجميل

مشكووووووووورة يا قمر على الرد الروعة